1976-yilda rejissyor Eldar Ryazanovning “Taqdir hazili yoki qushdek yengil bo‘ling” filmi katta ekranlarga chiqdi va millionlab muxlislar uchun Yangi yil ramzi bo‘lib qoldi. U har yil so‘ngida teleekranlarda namoyish etiladi.

Oradan deyarli yarim asr o‘tib, Gollivud rejissyori Maryus Vaysberg mazkur filmni qayta ishladi. Kartina “Taqdir haqida” deb nomlanadi, u Netflix servisida 31-dekabr kuni ommaga taqdim etiladi.

Rejissyorning aytishicha, film quvnoq ruhda ishlangan. U Bostonda 28 kun davomida suratga olindi. Aktyorlarga keladigan bo‘lsak, Nadya rolini Emma Roberts, Jenyani Tomas Mann, Ippolitni esa Lyuis Tan ijro etgan.