“Sceince & Innovation” ilmiy jamiyati tomonidan 2024-yil sarhisoblari asosida “Oʻzbekistonning taniqli olimlari” ensiklopediyasi eʼlon qilindi. Unda jamiyat rivojiga oʻz bilimi, ilmiy salohiyati, pedagogik mahorati bilan munosib hissa qoʻshib kelayotgan yetuk 348 nafar olimning ilmiy faoliyati va yutuqlari aks etgan biografiyalar jamlangan.

Endilikda ushbu biografiyalar koʻp tomli ensiklopediya qilinib, elektron va bosma holatda nashr etiladi.

Hozirda loyiha doirasida wikipedia.org onlayn ensiklopediyasida olimlarning sahifalari yaratilgan va taniqliolimlar.uz platformasi ishga tushirilgan.

Maʼlumot uchun, ushbu loyiha Oʻzbekistonda bugungi kunda ilmiy faoliyat yuritayotgan yetuk olimlar haqida maʼlumot berish maqsadida ishlab chiqilgan boʻlib, platformadagi maʼlumotlar doimiy tarzda yangilanib, toʻldirib boriladi.