Tohirov Xurshid Yahyoyevich Buxoro viloyati Qorakoʻl tumani hokimi etib tayinlandi. Uning nomzodi Xalq deputatlari Qorakoʻl tumani Kengashining deputatlari tomonidan toʻliq maʼqullangan.

Tohirov Xurshid Yahyoyevich 1976-yilda Romitan tumanida tugʻilgan. 2001-yilda Buxoro oziq-ovqat va yengil sanoat texnologiyasi institutini hamda 2007-yilda Toshkent Moliya institutini bitirgan. Mutaxassisligi – transport vositalaridan foydalanish va moliya.

U 2017-2019-yillarda Romitan tumani hokimining birinchi oʻrinbosari lavozimida ishlagan.

Tohirov Xurshid Yahyoyevich ayni vaqtga qadar Romitan tumani hokimi lavozimida ishlab kelayotgan edi.