Xalq deputatlari Kosonsoy tuman Kengashining navbatdan tashqari sessiyasi boʻlib oʻtdi. Sessiyada tumanning yangi hokimini tayinlash bilan bogʻliq tashkiliy masala koʻrildi. Bu haqida Namangan viloyat hokimligi axborot xizmati xabar bermoqda.

Qayd qilinishicha, viloyat hokimi Shavkatjon Abdurazakov tomonidan taqdim etilgan Dilmurod Gʻafurovich Qodirov nomzodi Kosonsoy tuman deputatlari tomonidan bir ovozdan qoʻllab-quvvatlangan.

Dilmurod Gʻafurovich Qodirov bugungi kunga qadar Norin tumani hokimi lavozimida ishlab kelgan.

Xalq deputatlari tuman Kengashi tomonidan Dilmurod Gʻafurovich Qodirov tuman hokimi etib tasdiqlandi.