Bulungʻur tumanida oʻtkazilayotgan xalq deputatlari Bulungʻur tumani Kengashining navbatdan tashqari sessiyasida tashkiliy masala koʻrildi, deya xabar bermoqda  Samarqand viloyat hokimligi axborot xizmati.

Xabarga koʻra, Bulungʻur tumani hokimi vazifasida faoliyat olib borgan Baxramov Baxodir Abdullayevich boshqa ishga oʻtishi munosabati bilan oʻz arizasiga asosan egallab turgan vazifasidan ozod etilgan.

Sessiyada deputatlar tomonidan Astanov Samandar Mustafoqulovich nomzodi Bulungʻur tumani hokimi lavozimiga tasdiqlandi.

Mazkur tayinlovga qadar Astanov Samandar Mustafoqulovich Samarqand viloyati prokurori oʻrinbosari lavozimida faoliyat olib borgan.