Hukumat qarori bilan Tohir Nazarov Transport vazirligi huzuridagi Fuqaro aviatsiyasi agentligining direktori etib tayinlandi. Bu haqda Telegramʻdagi “Huquqiy axborot” kanali xabar berdi.

Tayinlovga qadar u agentlikning Sertifikatlash va parvoz xavfsizligini nazorat qilish boshqarmasi boshligʻi lavozimida ishlab kelgan.

Maʼlumot uchun, Fuqaro aviatsiyasi agentligi Oʻzbekiston Prezidentining 2019-yil 1-fevraldagi farmoni bilan qayta tashkil etilgan holda Transport vazirligiga oʻtkazilgan.