Endi Instagram'da foydalanuvchi oʻz profiliga qoʻshiq ulab qoʻyishi mumkin boʻladi. Bu haqida The Verge nashri xabar berdi.

Maʼlum boʻlishicha, yangi yuklanadigan funksiya xuddi 2000-yillarning boshidagi Myspace kabi foydalanuvchilarga oʻz profiliga qoʻshiq qoʻshish imkonini beradi.

Qoʻshiqlar toki olib tashlamaguncha yoki almashtirmaguncha foydalanuvchining bio-hududida koʻrinadi.

Biroq platformaning 2000-yillardagi Myspace'dan farqi, qoʻshiqlar avtomatik ijro etilmaydi, yaʼni profilni tomosha qilayotganlar qoʻshiqni tinglashi yoki oʻchirib qoʻyishi mumkin boʻladi.

Foydalanuvchi oʻz profilini tahrirlash jarayonida trekni qoʻshishi, Instagram'ning litsenziyalangan musiqa kutubxonasidan esa qoʻshiqni izlashi va tanlashi mumkin boʻladi.

Qizigʻi, profildagi qoʻshiqni reels yoki postlarga ham qoʻyish mumkin. Bunda trekning 30 soniyali qismi tanlab, joylashtiriladi.