Oʻzbekistonda doimiy aholi soni har kuni oʻrtacha 1,8 ming kishiga oshmoqda. Bu haqida Statistika agentligi Matbuot xizmati maʼlum qildi.

2024-yilning 1-iyul holatiga koʻra, Oʻzbekiston Respublikasining doimiy aholisi 37 mln 134,2 ming kishini tashkil etgan.

Xabarda yozilishicha, oʻtgan yilning mos davri bilan solishtirilganda doimiy aholi soni 2,1 foizga oshgan.

Yil boshidan buyon 334,5 ming shaxs doimiy aholi tarkibiga qoʻshilgan boʻlib, bu har bir oyga oʻrtacha 55,7 ming kishi toʻgʻri kelishini bildiradi.

Shundan kelib chiqib aytish mumkinki, joriy yilning har bir kunida doimiy aholi soni oʻrtacha 1,8 ming kishiga koʻpaymoqda.