Oʻzbekistonning Rossiyadagi elchixonasi Kursk, Bryansk va Belgorod viloyatlaridagi joriy vaziyatdan kelib chiqib, Oʻzbekiston fuqarolarini zarur ehtiyot choralarini koʻrish, alohida zarurat boʻlmaganda koʻchaga chiqmaslik, shuningdek, odamlar koʻp toʻplanadigan joylarga bormaslikni tavsiya qildi.

“Iloji boʻlsa, ushbu hududlarda tahsil olayotgan talabalarga vaqtinchalik masofaviy taʼlim formatiga (onlayn) oʻtishni tavsiya qilamiz”, — deyiladi diplomatik vakolatxona murojaatida.

Xabarda shuningdek, Oʻzbekiston fuqarolari konsullik yordami yoki maslahatlariga muhtoj boʻlgan taqdirda, Moskvadagi elchixona konsullik boʻlimining Call-markaziga quyidagi raqamlar orqali murojaat qilishlari soʻralgan: +7−499−238−36−20; +7−499−230−00−76.

Elektron pochta manzili: uzkorus@mail.ru.