Ijtimoiy tarmoqlar orqali Samarqand va Qashqadaryo viloyatlarining ayrim hududlarida bugun, 19 dekabr kuni kuchli shamol bo‘lib, chang ko‘tarilishi holatlari kuzatilmoqda.

Yo‘l harakati xavfsizligi bosh boshqarmasi holat bo‘yicha shoshilinch axborot taqdim etdi.

Qashqadaryo viloyatining Chiroqchi va Qamashi tumanlarida chang bo‘roni boshlanib, avtomobil yo‘llari ko‘rinmay qolgani haqida xabarlar tarqaldi.

Ma’lum bo‘lishicha, keyinroq kuchli shamol yo‘nalishini Samarqand tomonga o‘zgartirgan.

«Barcha haydovchilardan yo‘llarda ehtiyotkor bo‘lib, tezlik me’yoriga rioya qilgan holda, oraliq masofani saqlab harakatlanishlarini so‘raymiz», deyiladi boshqarma xabarda.