Surat yaqinda yettinchi marta “Oltin toʻp”ni qoʻlga kiritgan Lionel Messi tugʻilib oʻsgan shahar – Rosariodagi binoga chizilgan.

Muralga “Boshqa galaktikadan va mening shahrimdan” deb nom berildi. Muhtasham strit art namunasi 69 metr uzunlikdagi uyga chizilgan boʻlib, unda futbolchi Argentina terma jamoasi libosida tasvirlangan.

Rasmning oʻlchami ramziy maʼnoga ega: Messining boʻyi — 1,69 m. Devor tasvirining balandligi — 69 metr.

Eslatib oʻtamiz, oʻtgan yozda Leo Argentina terma jamoasi bilan Amerika Kubogida gʻalaba qozongandi.