Hukumat qarori (756-son, 16.12.2021-y.) bilan Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazini rivojlantirish jamgʻarmasi toʻgʻrisidagi nizom tasdiqlandi.

Nizomga muvofiq, quyidagilar Jamgʻarma mablagʻlarini shakllantirishning asosiy manbalari hisoblanadi:

- xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;

- homiylik xayriyalari;

- Prezident yoki Hukumat qarorlariga muvofiq ajratiladigan davlat byudjeti mablagʻlari;

- taqiqlanmagan boshqa manbalar.

Mablagʻlar quyidagilar uchun sarflanadi:

- ilmiy adabiyotlarni yaratish, chop etish, noyob asarlar sotib olish orqali Markaz kitob fondini kengaytirish;

- ilmiy tadqiqotlarga koʻmaklashish, tadqiqot uchun grant ajratish;

- ijtimoiy, ilmiy, maʼnaviy va maʼrifiy tadbirlar tashkil qilish;

- kadrlarni tayyorlash, qayta tayyorlash, konferensiya, seminarlar oʻtkazish;

- multimedia va tarmoq qurilmalari hamda dasturiy taʼminotlarni xarid qilish.