Bugun Toshkent viloyatidagi barcha umumiy oʻrta taʼlim maktablari boʻylab “Otalar kuni” tadbirlari tashkil etiladi. Bu haqida viloyat matbuot xizmati xabar bermoqda.

Qayd etilishicha, sana munosabati bilan boʻlib oʻtadigan uchrashuv va muloqotlar doirasida “Men, otam va onam” mavzusida rasmlar tanlovi, 8-11-sinf oʻquvchilari oʻrtasida farzand tarbiyasida otaning oʻrni borasida insholar tanlovi oʻtkaziladi.

Uchrashuvda “Eng namunali ota”, “Ibratli ota” kabi yoʻnalishlarda oʻz farzandi taqdiri, bilim olishi va iqboliga befarq boʻlmagan jonkuyar otalarni taqdirlash marosimlari ham koʻzda tutilgan.