Oʻzbekiston Respublikasi Oliy Majlisi Qonunchilik palatasining Toshkent viloyati va Toshkent shahri chegaralarining oʻzgarishi haqidagi tegishli qarorining ijrosi yuzasidan bir qator ishlar amalga oshirildi. Bu haqida Kadastr agentligi Toshket viloyati boʻlinmasi xabar bermoqda.

Kadastr agentligi va Davlat kadastrlari palatasining Toshkent viloyati boshqarmalari tomonidan hududlarda olib borilgan xatlov ishlari natijalariga koʻra, Qibray tumanidan Yashnobod tumaniga jami 2107,4 ga yer, shundan 1002,6 ga qishloq xoʻjaligi yer maydoni hamda quyidagi ijtimoiy obyektlar oʻtkazilishi taʼminlangan:

• Mahallalar – 8 ta;
• Noturar joylar – 195 ta;
• Turar joylar – 5091 ta;
• Maktablar – 3 ta;
• Maktabgacha taʼlim muassasalari – 1 ta;
• Diniy muassasalar – 2 ta;
• Qabristonlar – 2 ta;
• Tibbiy muassasalar 1 ta.

Endilikda Qibray tumanidan Yashnobod tumaniga oʻtayotgan aholining doimiy yashash manzili Toshkent shahri Yashnobod tumani etib belgilanadi.