Ayni vaqtda Prezident Shavkat Mirziyoyev raisligida videoselektor yigʻilishi boʻlib oʻtmoqda. Unda Shavkat Mirziyoyev Toshkentdagi tirbandlikning oldini olish chorasi haqida gapirdi.

— Hozirda Toshkent shahriga kuniga 130 ming tonna yuklar katta hajmli mashinalarda kirib chiqadi. Bu poytaxtda tirbandlik, yoʻllar sifati va havoning tozaligiga ham salbiy taʼsir koʻrsatmoqda. Oʻrta Chirchiq, Yuqori Chirchiq, Quyi Chirchiq va Toshkent tumanlarida yuk taqsimlovchi yirik ulgurji savdo logistika markazlarini qurish orqali bu masalani hal qilish mumkin, — dedi Prezident.