Qirgʻiziston Respublikasining Jinoyat hamda Jinoyat-protsessual kodekslariga oʻzgartirishlar kiritildi, deb xabar bermoqda Qirgʻiziston Prezidenti rasmiy sayti.

Maʼlum boʻlishicha, Sadir Japarov “Qirgʻiziston Respublikasining ayrim qonun hujjatlariga oʻzgartishlar kiritish toʻgʻrisida”gi hukumat qonunini imzolagan.

Oʻzgartirishlarga koʻra, endi bolaning jinsiy daxlsizligi va jinsiy erkinligiga qarshi jinoyat sodir etgan erkaklar yoshidan qatʼi nazar umrbod qamoq jazosi bilan jazolanadi. Hatto jinoyatchi 60 yoshga toʻlgan boʻlsa ham, bunday jazodan qutulib qololmaydi.

Bundan tashqari, pedofil jazoni ijro etishiga toʻsqinlik qiladigan ogʻir darajadagi kasallik bilan ogʻrigan boʻlsa-da, bari bir yangi qonunda belgilangan jazosini oladi.