Qonunchilikka muvofiq quyidagi nogironlar va keksalar toifasiga bepul sanatoriy-kurort yoʻllanmalari taqdim etiladi:

urush nogironlariga va qatnashchilariga tenglashtirilgan shaxslar;

halok boʻlgan harbiy xizmatchilarning beva xotinlari (beva erlari);

respublika ahamiyatiga molik shaxsiy pensiya oluvchi shaxslar;

Chernobil halokati sababli nogiron boʻlib qolgan shaxslar;

yadro poligonlarida harbiy xizmatni oʻtagan shaxslar;

I va II-guruh nogironlari, koʻzi ojiz I-guruh nogironini kuzatib boruvchi shaxs;

yolgʻiz keksalar;

pensionerlar.

Yoʻllanma olish uchun quyidagi hujjatlar Tibbiy-ijtimoiy xizmatlar agentligi hududiy boʻlinmalariga topshirilishi lozim:

ariza;

pasport nusxasi;

yuqoridagi fuqarolarning imtiyozdan foydalanish huquqini beruvchi hujjatlar (nogironlikni tasdiqlovchi, pensionerlar uchun guvohnoma va b.);

tibbiy xulosa.

Yoʻllanmalarni berish davriyligi quyidagicha.

har yili (navbat asosida):

urush nogironlariga tenglashtirilgan shaxslarga;

respublika ahamiyatiga molik shaxsiy pensiya oluvchi shaxslarga;

Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek Chernobil halokati sababli nogiron boʻlib qolgan shaxslarga;

yadro poligonlari va boshqa radiatsiya-yadro obyektlarida harbiy xizmatni oʻtagan

shaxslarga;

yolgʻiz keksalarga;

2 yilda 1 marotaba (navbat asosida):

urush qatnashchilariga tenglashtirilgan shaxslarga;

halok boʻlgan harbiy xizmatchilarning beva xotinlariga (beva erlariga);

I va II-guruh nogironlari, koʻzi ojiz I-guruh nogironini kuzatib boruvchi shaxsga;

sanatoriylarda boʻsh oʻrin mavjud boʻlgan taqdirda 3 yilda 1 marotaba (navbat asosida) — pensionerlarga.

Yoʻllanmalar 12 kunga, yoʻllanmalarning amal qilish muddati boshlanishidan kamida 10 kun oldin beriladi.