Tokio Olimpiadasining bronza medali sovrindori Davlat Bobonov PSJ klubi bilan shartnoma imzoladi. Bu haqida Oʻzbekiston dzyudo Federatsiyasi maʼlum qildi.

Qayd etilishicha, oʻz tarkibiga mashhur dzyudochilarni jamlagan Parij klubi Yevropa Ligasida ishtirok etadi. PSJ rahbariyati Bobonovni ham oʻz safiga qoʻshib olgan. Hamyurtimiz klublar oʻrtasidagi Yevropa Ligasida Fransiya jamoasi sharafini himoya qiladi.

Eslatib oʻtamiz, PSJ tarkibida afsonaviy Teddi Riner, shuningdek yaqindagina Abu-Dabi “Katta Dubulgʻa” turnirida chempionlik shohsupasiga koʻtarilgan moldovalik Denis Viyeru, Alfa Jalo singari dzyudochilar bor.