Adliya vaziri oʻrinbosari Akbar Tashkulov Vazirlar Mahkamasi qaroriga muvofiq Toshkent davlat yuridik universiteti rektori etib tayinlandi.

Akbar Tashkulov 1971-yilda Jizzax tumanida tugʻilgan. 1994-yilda Toshkent davlat yuridik institutini tamomlagan, mutaxassisligi huquqshunos. Oʻzbekiston Respublikasi Prezidentining 2015-yil 28-avgustdagi farmoniga asosan A.Tashkulov “Oʻzbekiston Respublikasida xizmat koʻrsatgan yurist” faxriy unvoniga sazovor boʻlgan.

2017-yildan hozirgi vaqtga qadar Oʻzbekiston Respublikasi adliya vazirining oʻrinbosari lavozimida faoliyat yuritib kelayotgan edi.