Xabarga koʻra, WBA tashkiloti professional boksning eng yengil vaznida amaldagi jahon chempioni, tailandlik Tammanun Niyomtrong himoya jangini aynan Hasanboy Doʻsmatovga qarshi oʻtkazishini tasdiqlagan.

“Butunjahon boks assosiatsiyasi (WBA) Doʻsmatov – Niyomtrong qarama-qarshiligidagi jang borasida tomonlar kelishuvga erishishi va muzokaralar oʻtkazishi uchun 30 kunlik muhlatni belgiladi”, – deyiladi xabarda.

Maʼlumot uchun, 33 yoshli Niyomtrong faoliyati davomida 24 ta jang oʻtkazgan va barchasida gʻalaba qozongan.

Professional boksda 6 ta jang oʻtkazib, barchasida gʻolib boʻlgan Doʻstmatov hozirda Bolgariyada tashkil etilayotgan “Strandja-2024” xalqaro turnirida ishtirok etmoqda.