Joriy yilning 21-aprel kuni boʻlib oʻtadigan VI Toshkent xalqaro marafoni yirik ommaviy sport tadbirlaridan biri hisoblanadi.

U mamlakatimizda tashkil etiladigan yagona World Athletics Label darajasidagi tadbir boʻlib, bu safar ishtirokchi davlatlar geografiyasi kengayadi, yaʼni 32 mamlakatdan mohir yuguruvchilar bahs olib borishi kutilmoqda.

Maʼlumot uchun, poygalar marafon (42 km, 195 metr), yarim marafon (21 km), shuningdek, 3 va 10 km masofalarga yugurish yoʻnalishlarida oʻtkaziladi.

Shu bilan birga, tadbir doirasida bolalar uchun “Kids Run” va skandinavcha yurish boʻyicha bellashuvlar ham tashkil etilishi rejalashtirilgan.

Bu yil sovrin jamgʻarmasi 720 million soʻmni tashkil qiladi.