Abror Muxtor Aliy nomi bilan mashhur taniqli bloger va diniy voiz Abror Abduazimov 6-fevral kuni hibsga olingan.

Xabarga koʻra, jinoyat ishlari boʻyicha Shayxontohur tuman sudi maʼmuriy ish doirasida ana shunday qaror qabul qilgan.

Maʼlum boʻlishicha, Abror Abduazimov Maʼmuriy javobgarlik toʻgʻrisidagi kodeksning 194- va 195-moddalarida koʻrsatilgan huquqbuzarlikni sodir etishda aybli deb topilgan.

Maʼlumot uchun, mazkur moddalarda ichki ishlar organlari xodimining qonuniy talablarini bajarmaslik va ichki ishlar organlari xodimlarining oʻz xizmat burchlarini bajarishlariga qarshilik koʻrsatish nazarda tutiladi.