Oʻzbekiston Respublikasi Madaniyat vaziri Ozodbek Nazarbekov oʻzining Telegram-kanalida vazirlik xodimlari endilikda ish faoliyati davomida doʻppi kiyishni rejalashtirganlarini maʼlum qildi.

Vazir yurtdoshlarimizni 8-dekabr – Konstitutsiya kuni bilan tabriklab, ushbu tashabbus orqali milliy anʼanalarni targʻib etishda namuna koʻrsatish maqsad qilinganini taʼkidlagan.

“Barcha soha vakillari, ijodkorlar, vatan fidoyilarini, koʻngillilarni ushbu tashabbusni qoʻllab-quvvatlashga chaqirib qolaman. Qomusimiz himoyalagan yana bir qadriyatimizni hayotga qaytarishga shoshiling”,  degan Ozodbek Nazarbekov.