2026-yil yanvar–mart oylarida O‘zbekistonga o‘qish maqsadida kelgan xorijliklar soni 2,3 barobarga oshib, jami 15 124 nafarni tashkil qilmoqda. Bu haqda Milliy statistika qo‘mitasi ma’lumot berdi.

Qayd etilishicha, bu ko‘rsatkich o‘tgan yilning mos davri bilan solishtirilganda 8,5 ming nafarga ko‘paygan.

Chet ellik talabalarning asosiy qismini qo‘shni davlat fuqarolari tashkil qilmoqda. Eng yuqori ko‘rsatkich Turkmanistonga to‘g‘ri kelib, talabalar soni 7 174 nafarga yetgan. O‘zbekistonga o‘qish maqsadida kelgan chet el fuqarolari soni qolgan mamlakatlar bo‘yicha quyidagicha:

Hindiston — 2 835 nafar;

Tojikiston — 1 170 nafar;

Xitoy — 641 nafar;

Qirg‘iz Respublikasi — 483 nafar;

Pokiston — 438 nafar;

Misr — 353 nafar;

Janubiy Koreya — 342 nafar;

Filippin — 286 nafar;

AQSH — 191 nafar;

Boshqa davlatlar — 1 211 nafar.