2024-yili Qatar davlatida oʻtadigan futbol boʻyicha U-23 Osiyo kubogining final bosqichiga qurʼa tashlandi.

Qurʼa natijalariga koʻra, Oʻzbekiston olimpiya terma jamoasi musobaqaning “D” guruhidan joy oldi. Temur Kapadze shogirdlari keyingi bosqich yoʻllanmasi uchun Vyetnam, Kuvayt va Malayziyaga qarshi bahs olib boradi.

Qolgan guruhlar quyidagicha:

“A” guruhi

Qatar;
Avstraliya;
Iordaniya;
Indoneziya.

“B” guruhi

Yaponiya;
Janubiy Koreya;
BAA;
Xitoy.

“C” guruhi

Saudiya Arabistoni;
Iroq;
Tailand;
Tojikiston.

Qayd etish kerak, musobaqa Parij Olimpiadasi yoʻllanmasini taqdim etishi bilan ham ahamiyatli. 2024-yilning 15-aprelidan 3-mayiga qadar davom etadigan turnirning 1—3-oʻrin egalari Olimpiadaga toʻgʻridan-toʻgʻri yoʻl oladi. 4-jamoa esa Afrika qitʼasi vakili Gvineyaga qarshi pley-offda maydonga tushadi.