Toshkent shahrining Uchtepa tumanida joylashgan “Vatan” mahallasida noodatiy mehmonxona qurildi.

Poytaxt hokimligining maʼlum qilishicha, koʻngillilar tashabbusi va mahalla aholisining roziligi bilan bunyod etilgan oʻziga xos “mehmonxona” koʻcha mushuklari uchun yaqinlashib kelayotgan qish kunlarida issiq boshpana vazifasini bajaradi.

Ushbu Mushuklar mehmonxonasi “Mushukkent” loyihasi va Toshkent shahar IIBB himoyasida boʻlib, mahallada yashovchi bolalarni jonivorlarga mehrli boʻlishga oʻrgatadi.
 

“Oʻz navbatida, “Mushukkent” loyihasi, “Vatan” mahallasining aholisi va koʻngilli fuqarolarimizga mehrga muhtoj jonivorlarga koʻrsatayotgan gʻamxoʻrligi uchun minnatdorlik bildiramiz”, deyiladi hokimlik xabarida.