Andijon viloyati prokuraturasi ijtimoiy tarmoqlarda tarqalgan ruhiy kasalliklar shifoxonasida bemorning kaltaklangani tasvirlangan videoga munosabat bildirdi.

Maʼlum qilinishicha, 27-oktabrdan 28-oktabrga oʻtar kechasi “Andijon viloyat ruhiy sogʻliqni saqlash” dispanseri kichik tibbiy xodimi U.SH. bemor M.S.ga qoʻpol munosabatda boʻlgan.

Mazkur holat yuzasidan tibbiyot muassasasi tomonidan oʻrganish oʻtkazilib, 28-oktabrda 166-sonli buyruqqa asosan fuqaro U.SH. bilan tuzilgan mehnat shartnomasi bekor qilingan.

Hozirda ushbu holat yuzasidan Andijon shahar IIB tomonidan tergovga qadar tekshiruv harakatlari olib borilmoqda.

“Tekshiruv harakatlari viloyat prokuraturasi tomonidan nazoratga olingan”, — deyiladi xabarda.