4-oktabr kuni Toshkent viloyatining Yangiyoʻl tumanida taksi haydovchisi boʻlib ishlagan 25 yoshli yigitni oʻldirib, uning mashinasini yoqib yuborishda gumonlangan shaxs ushlandi.

Bosh prokuraturaning xabar berishicha, u jinoyat ishi doirasida Jinoyat kodeksining 97- (Qasddan odam oʻldirish) va 267-moddalari (Transport vositasini olib qochish) bilan gumonlanuvchi tariqasida jalb qilingan.

Aniqlanishicha, holatga oʻrtadagi pul qarzi sabab boʻlgan. Tergov davom etmoqda.

Eslatib oʻtamiz, marhumning jasadi yonayotgan mashinadan 300 metr uzoqlikdan topilgan.