Respublika Maʼnaviyat va maʼrifat markazi, Oʻzbekiston Yozuvchilar uyushmasi, Madaniyat, Mudofaa, Ichki ishlar va Favqulodda vaziyatlar vazirliklari, Davlat xavfsizlik xizmati, Milliy gvardiya, Fanlar akademiyasi Tarix instituti hamda Oʻzbekiston kompozitorlari va bastakorlari uyushmasi hamkorligida harbiy xizmatchilar oʻrtasida “Tarix bilimdoni”, “Eng yaxshi harbiy qoʻshiq ijrochisi”, “Eng yaxshi yosh adib” hamda “Eng yaxshi yosh shoir” tanlovi oʻtkazildi.

Tanlovni oʻtkazishdan maqsad harbiy xizmatchilarni harbiy-vatanparvarlik, ona Vatanga muhabbat va sadoqat, milliy ruh, milliy gʻurur tuygʻularini kuchaytirish, intellektual va ijodiy salohiyatini yanada rivojlantirishdir.

Koʻrik-tanlovlarning vazirlik va idora bosqichi 2023-yilning iyul-avgust oyida oʻtkazilgan boʻlib, unda Davlat xavfsizlik xizmati, Mudofaa, Ichki ishlar, Favqulodda vaziyatlar vazirliklari hamda Milliy gvardiya harbiy xizmatchilaridan iborat jami 4 ming nafar ishtirokchi qatnashdi.

Tanlovlarning respublika bosqichida har bir yoʻnalishdan vazirlik va idora bosqichida gʻolib boʻlgan bir nafardan ishtirokchilar qatnashdi. Tajribali pedagog, olim, sanʼatkor, shoir va yozuvchilardan tashkil topgan Hakamlar hayʼati aʼzolari ishtirokchilarni munosib tarzda baholab borishdi.

Gʻolib va sovrindorlarni tantanali taqdirlash marosimi 5–6-oktabr kunlari Qurolli Kuchlar akademiyasida boʻlib oʻtdi. Tanlovlarda munosib ishtirok etib, gʻolib deb topilgan qatnashchilar diplom hamda esdalik sovgʻalar bilan taqdirlandi.

“Eng yaxshi harbiy qoʻshiqchi” tanlovining respublika bosqichi gʻolib va sovrindorlari:

1-oʻrin – Jiyanov Salixoʻja Chirchiqbay oʻgʻli, FVV Maxsus muhandislik qurilish boshqarmasi harbiy xizmatchisi kichik serjant

2-oʻrin – Habiyev Shahboz Alijon oʻgʻli, Oʻzbekiston Respublikasi Milliy gvardiyasi harbiy xizmatchisi, oddiy askar;

3-oʻrin – Halimqulov Husniddin Faxriddinovich, Oʻzbekiston Respublikasi Davlat xavfsizlik xizmati xodimi.

“Tarix bilimdoni” tanlovining respublika bosqichi gʻolib va sovrindorlari:

1-oʻrin – Inomov Odiljon Ulugʻxoʻja oʻgʻli, Oʻzbekiston Respublikasi Davlat xavfsizlik xizmati xodimi;

2-oʻrin – Davronov Alijon Amonovich, Oʻzbekiston Respublikasi Jamoat xavfsizlik universiteti kursanti;

3-oʻrin – Qayumov Mirjalol Erkinovich, IIV Qorovul qoʻshinlari qoʻmondonligi shartnoma boʻyicha harbiy xizmatchi, kichik serjant.

“Eng yaxshi yosh adib” tanlovining respublika bosqichi gʻolib va sovrindorlari:

1-oʻrin – Ashirboyev Bekzod Yursin oʻgʻli, Sharqiy harbiy okrug 34432-son harbiy qism muddatli harbiy xizmatchisi, oddiy askar;

2-oʻrin – Oʻrinboyev Azizbek Muhammadamin oʻgʻli, IIV Qorovul qoʻshinlari 7531-sonli harbiy qism shartnoma boʻyicha harbiy xizmatchi oddiy askar;

3-oʻrin – Abrolov Yorqinbek Gʻanisher oʻgʻli, FVV Akademiyasi 1-kurs kursanti.

“Eng yaxshi yosh shoir” tanlovining respublika bosqichi gʻolib va sovrindorlari:

1-oʻrin – Baxtiyorov Fahriyor Akromjon oʻgʻli, Oʻzbekiston Respublikasi Jamoat xavfsizlik universiteti kursanti

2-oʻrin – Avazmurodov Erali Nurali oʻgʻli, Sharqiy harbiy okrug 07648-son harbiy qism muddatli harbiy xizmatchisi, oddiy askar;

3-oʻrin – Burxonov Fazliddin Abdumoʻtal oʻgʻli, Oʻzbekiston Respublikasi Davlat xavfsizlik xizmati xodimi.