Oʻzbekistonda 8 oy ichida 25 ming nafarga yaqin bola ota yoki onasiz yashashga majbur boʻldi.

OʻzAning xabar berishicha, joriy yilning 8 oyida mamlakatimizda 33 mingdan ortiq oila ajrashgan. Mamlakatdagi oilaviy ajrashishlar sabab, joriy yilning oʻtgan 8 oyida 25 ming nafarga yaqin bolalar ota yoki onaning toʻliq mehridan bebahra qolmoqda.

2022-yilda Oila va xotin-qizlar qoʻmitasi tomonidan “xotin-qizlar.uz” milliy platformasi yaratilgan. Unga mahalladagi xotin-qizlar faollari tomonidan “Xonadonbay”, “Fuqarobay” yondashuv asosida mamlakatdagi 17,8 milliondan ziyod xotin-qizlar toʻgʻrisidagi maʼlumotlar kiritilgan.