Nilufar Allabergenova Toshkent shahri Yakkasaroy tumani hokimi lavozimiga tayinlandi.

Nilufar Allabergenova 1971-yilda Toshkent shahrida tugʻilgan. 1995-yilda Toshkent davlat yuridik institutini tamomlagan.

Qator masʼuliyatli vazifalarda, shu jumladan, turli yillarda Yashnobod, Chilonzor va Mirzo Ulugʻbek tumanlarida prokuror oʻrinbosari lavozimlarida ishlagan.

2019-yildan shu kunga qadar Yakkasaroy tumani prokurori sifatida faoliyat yuritgan.

Bu Toshkentdagi tumanlardan biriga birinchi marta ayol kishi rahbarlik qilishi hisoblanadi.

Yakkasaroy tumaniga 2019-yil sentabridan buyon rahbarlik qilib kelgan Anvar Sayfiddinov bir necha kun oldin Mirobod tumani hokimi lavozimiga tayinlandi.