Qatar qaytish chiptasiga ega va xorijga chiqish pasportining amal qilish muddati 6 oydan kam qolmagan Oʻzbekiston fuqarolari uchun 30 kunlik vizasiz rejimni joriy qildi.

Mamlakat hukumatining elektron viza berishga moʻljallangan portalida Oʻzbekiston ushbu davlatga vizasiz kirish mumkin boʻlgan 101 ta davlat qatorida turganini koʻrish mumkin.

Shu yilning iyun oyida Oʻzbekiston Qatar fuqarolari uchun 30 kunlik vizasiz rejim joriy qilgandi.

Oʻzbekiston prezidenti Shavkat Mirziyoyev oktabr oyi boshida Dohada Qatar amiri bilan muzokaralar oʻtkazgan. Oʻshanda mamlakatlar oʻrtasida qator hujjatlar imzolangan. Dohada Oʻzbekiston elchixonasi ochilgan.