Toshkentda turkiyzabon davlatlar futbol assotsiatsiyalari rahbarlarining yigʻilishi boʻlib oʻtdi.

Unda milliy va klublar miqyosida qoʻshma xalqaro musobaqalar tashkil etish imkoniyatlari muhokama etildi. Yigʻilishda Ozarboyjon, Vengriya, Qozogʻiston, Qirgʻiziston, Turkiya, Turkmaniston va Oʻzbekiston futbol tashkilotlari rahbarlari, Osiyo futbol konfederatsiyasi (OFK) va Yevropa futbol assotsiatsiyalari ittifoqi (UEFA) vakillari ishtirok etdi.

Uchrashuvda futbolni rivojlantirish va ommalashtirish masalalari ham muhokama qilindi.

Futbol boʻyicha mutaxassislar, murabbiylar, hakamlar tayyorlash va oʻzaro tajriba almashish, futbol assotsiatsiyalari oʻrtasida har tomonlama hamkorlikni yoʻlga qoʻyish masalalariga eʼtibor qaratildi.