2023-2024-yil qish mavsumida 2023-yil yanvardagi kabi juda past darajadagi anomal sovuq harorat kutilmalari mavjud emas. Bu haqda “Oʻzgidromet” vakillari ishtirokida oʻtkazilgan matbuot anjumanida maʼlum qilindi.

Shunga qaramay, shimoldan rivojlangan sovuq antitsiklonlarning mintaqaga kirib kelishida respublika katta qismida haroratning -7...-12 darajagacha, shimolda -17...-22 daraja sovuqlikka pasayish toʻlqinlari vujudga kelish ehtimoli bor.

Maʼlumot uchun, 2023-yilning yanvarida sovuq antitsiklonning respublikada chuqurroq kirib kelishi fonida respublika katta qismida harorat -17...-22 darajagacha pasaygan edi.