Davlat va jamoat arbobi, Namangan viloyatining sobiq hokimi Toʻlqin Otaxonovich Jabborov ogʻir xastalikdan soʻng 73 yoshida vafot etdi, deya xabar bermoqda viloyat hokimligi matbuot xizmati.

Toʻlqin Jabborov 1950-yilda Uchqoʻrgʻon tumanida tugʻilgan. 1996−2004-yillarda Namangan viloyati hokimi lavozimida ish yuritgan. 2000−2005-yillarda Oliy Majlis deputati boʻlgan.

U rahbarlik qilgan yillarda viloyatning qishloq xoʻjaligi, qurilish, agrar kabi sohalar rivojiga hissa qoʻshgan. “Ajoyib inson, fidoyi rahbar Toʻlqin Otaxonovich Jabborovning yorqin xotirasi qalblarimizda mangu saqlanadi”, – deyiladi xabarda.