AQSHning Oʻzbekistondagi elchixonasi Diversity Visa 2025 (Green Card) dasturida qatnashishini reja qilganlar uchun maslahatlar berdi.

1-maslahat. Dastlab dprogram.state.gov sayti orqali, dastur talablariga javob berish shartlari bilan tanishib chiqing. Dastur talablariga javob bermasangiz, dasturda ishtirok etmang.

2-maslahat. Faqatgina AQSH hukumatining rasmiy veb-saytlarida keltirilgan maʼlumotlarga tayaning. DV-2025-yilgi dastur boʻyicha maʼlumotni taqdim etuvchi yagona rasmiy manba — “.gov” bilan yakunlangan veb-saytlar hisoblanadi.

3-maslahat. dvprogram.state.gov sayti orqali arizangizni topshiring. Bu dasturda ishtirok etishning yagona yoʻlidir. Soxta veb-saytlar yoki firibgarlarga aldanib qolmang.

4-maslahat. Dasturda ishtirok etish uchun ariza topshirish bepul. Arizangizni bepul toʻldirib berishni taklif etadigan yoki toʻlov orqali dasturda imkoniyatingizni oshirib berishni vaʼda qiladigan shaxslardan ehtiyot boʻling.

5-maslahat. Oxirgi olti oy ichida olingan fotosuratdan foydalaning. Ariza topshirish vaqtida eski fotosuratdan foydalanish, dasturdan chetlashtirilishga sabab boʻladi.

6-maslahat. Bir ishtirokchi faqatgina bir marta ariza topshirishi mumkin. Bir dastur mavsumi davomida, bir martadan koʻp ariza topshirgan shaxslar dasturdan chetlashtiriladi.

7-maslahat. Siz bilan birga sayohat yoki immigratsiya qilmaydigan taqdirda ham, arizangizga turmush oʻrtogʻingiz va 21 yoshdan kichik va turmush qurmagan barcha farzandlaringizni kiritishingiz kerakligini yodda tuting. Dasturda ishtirok etish uchun tanlangan holatingizda ham, arizangizga xato yoki toʻliq boʻlmagan maʼlumot kiritgan boʻlsangiz, dasturdan chetlashtirilishingizni inobatga oling.

8-maslahat. Maxsus tasdiqlov raqamingizni (confirmation number) saqlab qoʻying. 2024-yilning may oyida dastur boʻyicha tanlov natijangizni tekshirish uchun sizga ushbu raqam kerak boʻladi.

9-maslahat. Dastur boʻyicha tanlov 2024-yilning may oyida boʻlib oʻtadi. Dasturda ishtirok etish uchun tanlab olinganingiz haqida maʼlumotga ega boʻlishning yagona yoʻli dvprogram.state.gov sayti orqalidir. Biron-bir xat yoki email orqali kelgan eʼlonlarga aldanib qolmang, bu turdagi xatlar firibgarlik usuli ekanini yodda tuting.

10-maslahat. Dasturda tanlab olinganlik, viza uchun suhbatda ishtirok etish yoki viza olish kafolatini bermasligini yodda tuting.

Eslatib oʻtamiz, Green Card lotereyasida ishtirok etish uchun arizalar qabuli 4-oktyabrdan 7-noyabrga qadar davom etadi.