Oʻzbekistonda ona tili va adabiyot hamda tarix fanlarini bilish boʻyicha sertifikatlarga ega oʻqituvchilar qoʻshimcha ragʻbatlantiriladi.

Bu “Oʻzbekiston – 2030” strategiyasini 2023-yilda sifatli va oʻzi vaqtida amalga oshirish chora-tadbirlari toʻgʻrisidagi” prezident qarorida nazarda tutilgan.

Davlat rahbari qaroriga koʻra, 2023-yil noyabr oyiga qadar milliy baholash tizimida bunday ragʻbatlantirishni joriy etish borasida Oʻzbekiston Respublikasi prezidenti qarori loyihasi ishlab chiqiladi.

Milliy baholash tizimida ona tili va adabiyot hamda tarix fanlarini bilish boʻyicha tegishli darajadagi sertifikatga ega boʻlgan oʻqituvchilarga 50 foiz miqdorida ustama toʻlash amaliyoti joriy etiladi.