Madaniy meros obyektlaridan 156 tasi qabristonlarga aylantirilganligi, 5 tasiga esa zarar yetkazilganligi aniqlandi. Bu haqida AOKAda Madaniy meros agentligi va Bosh prokuratura rahbariyati hamda mutasaddilari ishtirokida “Oʻzbekistonning arxeologik merosi: tadqiqotlar samaradorligini oshirish, ularning muhofazasini mustahkamlash hamda targʻibot usullaridan keng foydalanish boʻyicha amalga oshirilayotgan ishlar” mavzuda matbuot anjumanida maʼlumot berildi.

Oʻzbekistonda hozirgi kunga qadar 8 ming 209 ta moddiy madaniy merosning koʻchmas mulk obyektlari aniqlangan boʻlib, shundan 4 ming 748 ta arxeologiya merosi obyekti hisoblanadi.

Joriy yil madaniy meros obyektlari hamda uning tutash hududlarda 160 ta noqonuniy holatlar aniqlangan hamda huquqni muhofaza qiluvchi organlarga murojaat qilingan.

Shundan 25 tasi jinoiy ish, bunda 23 tasi arxeologiya yodgorliklari va uning hududida aniqlangan holatlar. 135 ta maʼmuriy ishlar, bunda 34 ta holat arxeologiya yodgorliklari hududlarida qayt etilgan.