Chust tumanida voyaga yetmagan bolalar zaharlanishi yuzasidan prokuratura tomonidan tergovga qadar tekshirish harakatlari olib borilmoqda. Bu haqida Bosh prokuratura maʼlum qildi.

“Tekshirish davomida voyaga yetmagan bolalarning zaharlanishi sabablari aniqlanadi va bu haqida qoʻshimcha ravishda xabar qilinadi.

Voyaga yetmagan bolalar nimadan zaharlanganligi hali nomaʼlum boʻlganligi sababli jamoatchilikdan notoʻgʻri va turli taxminlarga asoslangan xabarlarni tarqatmasliklarni soʻrab qolamiz.

Tekshirish jarayoni nazoratga olingan”, deyiladi Bosh prokuratura tarqatgan xabarda.