Toshkentda oʻzining koʻplab graffitilari bilan tanilgan koʻcha rassomi Inkuzart navbatdagi ishini taqdim etdi. U suvni oʻylamay sarf etishga bagʻishlangan.

Rasmlar binoning burchagidan joy olgan, u ikkita devorga chizilgani uchun ikki qismdan iborat. Birinchi qismda suv joʻmragi koʻrsatilgan, undan oqayotgan suv tarvuzga tushib turadi, bunday odat Oʻzbekistonda keng tarqalgan.

Ikkinchi rasmda esa bolakayning bu suvni yerga egilgancha ichayotgani tasvirlangan. Suv oltin rangda koʻrsatilgan.