Oʻzbekiston avtomobil bozorida iyun oyida pasayish kuzatildi. Bu haqda Iqtisodiy tadqiqotlar va islohotlar markazi tomonidan oʻtkazilgan oʻrganishlarda maʼlum boʻldi.

Maʼlum qilinishicha, yil boshidan beri may oyi Oʻzbekiston avtomobil bozoridagi eng muvaffaqiyatli oy boʻlgan, lekin iyun oyida pasayish kuzatildi. Birinchi yarim yillik natijasi 718 ming avtomobildan oshdi. Bu 2022-yilning xuddi shu davriga nisbatan 11 foizga koʻpdir.

Birlamchi bozorda yengil avtomobillar savdosi bir oy davomida 17,5 foizga kamaydi. Shu bilan birga, 2022-yil iyun oyiga nisbatan birlamchi bozorda 8,4 foiz oʻsish qayd etildi.

Iyun oyida yengil avtomobillarning ikkilamchi avtomobil bozori ham sotuvlarning pasayishi bilan ajralib turdi. Oy davomida deyarli 83 mingta yengil avtomobillar sotilgan, bu may oyiga nisbatan 23 foizga kam.

Iyun oyida sotilgan avtomobillar soni 123 mingtani tashkil etib, may oyiga nisbatan 21 foizga sezilarli pasayish va oʻtgan yilning iyun oyiga nisbatan 2,6 foizga oʻsish kuzatildi. Yozning birinchi oyida Oʻzbekistonda 110,5 ming dona yengil avtomobillar sotilgan boʻlib, bir oy davomida 21,6 foizga kamaygan.

2023-yilning 1-yarim yilligi yakunlariga koʻra, avtomobillar savdosi 2-chorakdagi 14 foiz oʻsishga nisbatan yillik oʻsish 11 foizga yetib, 718,2 mingta avtomobilni tashkil etdi va savdolar 372 mingtadan oshdi.

Oyina.uzʼni Telegramda oʻqing!