Ijtimoiy tarmoqlarda Oʻzbekiston Respublikasi harbiy xizmatchilari harbiy texnikalarda Rossiya Federatsiyasiga yordam berish uchun poligon hududida shay boʻlib turgani, ammo vaziyat oʻzgargani uchun borishdan qoldirilgani haqida xabarlar tarqalmoqda.

Mudofaa vazirligi ushbu xabar yuzasidan rasmiy munosabat bildirdi. Unga koʻra, mazkur xabar haqiqatga toʻgʻri kelmaydi.

“Tasvirlangan videoda shu yilning mart oyida Chirchiq shahrida boʻlib oʻtgan Vatanparvarlik festivaliga jalb etilgan texnikalar aks etgan”, — deyiladi xabarda.

 

Vazirlik barcha elektron nashrlar va blogerlardan maʼlumotlarni notoʻgʻri talqin qilmasliklarini soʻragan va asoslanmagan yolgʻon xabar tarqatganlik uchun javobgarlik mavjudligini eslatib oʻtgan.