“Anhor Lokomotiv” dagi hodisaga Bosh prokuratura va SSV munosabat bildirib, qo‘shimcha tafsilotlar keltirildi.

Bosh prokuraturaga ko‘ra, 12-iyun kuni Shayxontoxur tumanida joylashgan “Anhor Lokomotiv” bog‘ida “Melnisa” nomli attratsionga uchish uchun chiqqan 24 yoshli erkak va 29 yoshli ayol 7-8 metr balandlikdan yiqilib tushib tan jarohati olishgan.

Tekshirish davomida attraksion nazoratchisi fuqarolarning xavfsizlik kamari taqilganligini tekshirmasdan, attratsionni harakatga keltirganligi aniqlangan.

Mazkur holat yuzasidan Jinoyat kodeksining 257-moddasi (Mehnatni muhofaza qilish qoidalarini buzish) bilan jinoyat ishi qo‘zg‘atildi.

Bemorlarning ayni paytdagi ahvoli o‘rta og‘ir darajada ekanligi SSV matbuot xizmati xabarida maʼlum qilinadi.