Xorazmda asfalt yotqizib berish evaziga 48 ming AQSH dollarini olayotgan boʻlim boshligʻi qoʻlga olindi. Bu haqida DXX Axborot xizmati maʼlum qildi.

“Xorazm yoʻl qurilish” MCHJda boʻlim boshligʻi lavozimidagi shaxs Xiva tumanidagi oilaviy korxonaga tegishli 8500 kvadrat metr yerga hujjat rasmiylashtirmasdan, asfalt yotqizib berish evaziga korxona rahbaridan 1 milliard  306 million soʻm talab qilgan. Shundan 48 ming AQSH dollarini olayotgan vaqtida ushlandi.

Hozirda mazkur shaxsga nisbatan jinoyat ishi qoʻzgʻatilgan.