Chilonzor tumani Astrobod koʻchasida sodir boʻlgan hodisa yuzasidan qoʻshimcha maʼlumot berildi.

Bugun, 14-iyun kuni soat 09:50 da Toshkent shahar Chilonzor tumani Astrobod koʻchasida joylashgan mis quvurlari ishlab chiqarish sexining bir qavatli bostirmasi (angar)da texnologik jarayonni buzilishi natijasida portlash hodisasi sodir boʻlib, yongʻin yuzaga kelgani haqida xabar bergandik. Natijada sexning tom qismi konstruksiyalarining qulab tushishi va 50 kv.m maydonda ichki qismi va dastgohlarining yonishiga olib kelgan.

Hodisa oqibatida 1 nafar fuqaro voqea joyida halok boʻlgan va 16 nafar fuqaro turli darajada tan jarohati olib, Respublika shoshilinch tibbiy yordam ilmiy markaziga yotqizilgan. 7 nafar fuqaroga ahvoli yaxshi boʻlganligi sababli shifoxonadan javob berilgan.