Mansurbek Olloyorov Oʻzbekiston prezidentining ijtimoiy himoya masalalari boʻyicha maslahatchisi – prezident huzuridagi Ijtimoiy himoya milliy agentligi direktori lavozimiga tayinlandi.

Bunga qadar u Prezident administratsiyasida Huquqiy ekspertiza va kompleks tahlil qilish departamenti rahbarining oʻrinbosari sifatida ishlab kelgan.

Eslatib oʻtamiz, agentlik ochilishi haqida prezident Shavkat Mirziyoyev 30-may kuni oʻz saylovoldi dasturi yuzasidan soʻzlagan nutqida eʼlon qilgandi.

Ijtimoiy himoya milliy agentligi hozirda 6 ta vazirlikda (kambagʻallik, sogʻliqni saqlash, maktab taʼlimi, moliya, ichki ishlar, oliy taʼlim) tarqoq boʻlgan ijtimoiy xizmatlarni birlashtiradi.

“Yangi agentlik uchun kamida 10 foiz xodimlar nogironligi boʻlgan shaxslar orasidan tanlov asosida ishga olinadi. Ijtimoiy himoyaga ajratiladigan barcha mablagʻlar agentlik huzurida tashkil etiladigan alohida jamgʻarma orqali manzilli yoʻnaltiriladi va uning xarajatlari ochiq-oshkora boʻladi. Agentlik jamoatchilik bilan yaqin muloqot oʻrnatib, ular bilan bamaslahat ish yuritadi”, – degandi davlat rahbari.