Oʻzbekistonda aholining himoyaga muhtoj qatlami uchun turli imtiyozlar va qulayliklar yaratilgan. Jumladan, ota-ona qaramogʻisiz yoki yetimlikda katta boʻlgan bolalarni uy-joy bilan taʼminlash davlatning vazifasi ekanligi eslatildi.

Oʻzbekiston qonunlariga koʻra, ota-ona qaramogʻisiz yoki yetimlikda oʻsgan bolalar 18 yoshga toʻlishlari bilan uy-joy bilan taʼminlanadi. Buning uchun, birinchi navbatda ular uy-joyga muhtojlar roʻyhatida turishi kerak.

Muhtoj bir nafar yetim boʻlsa 25 kvadrat metrdan kam boʻlmagan 1 xonali uy beriladi. Agarda, yetim bolalar oʻrtasida nikoh tuzilgan boʻlsa, 50 kvadrat metrdan kam boʻlmagan 2 xonali uy beriladi.

Shuningdek, muhtoj inson nogironligi bor shaxs boʻlsa, koʻp qavatli uyning 3 qavatigacha boʻlgan xonadonlardan biri ajratib beriladi.

Uy-joylar mulkka egalik qilish huquqi bilan taqdim qilinadi. Ammo foydalanuvchi uyni 30 yoshga toʻlguncha sotish huquqidan cheklanadi.