Andijon viloyatining Marhamat tumanidagi Janubiy Farg‘ona kanalida o‘ziga tanish qizni qutqarmoqchi bo‘lgan 20 yoshli yigit cho‘kib ketdi. Bu haqda ijtimoiy tarmoqlarda paydo bo‘lgan ma’lumotni Bosh prokuratura matbuot xizmati tasdiqladi.

Holat 5-may kuni soat 18:00 atrofida sodir bo‘lgan. Guvohlarning ko‘rsatmasiga ko‘ra, u shu tumanda yashovchi tanishi G. X.(qiz)ni qutqarish maqsadida suvga tushgan. Qiz atrofdagi odamlar tomonidan qutqarib qolingan.

Yigitning jasadi oradan 3 kun o‘tib — 8-may kuni soat 11:30 atrofida kanalning Marhamat tumani “Polvontosh” mahallasidan oqib o‘tuvchi qismidan topilgan.

Holat yuzasidan sud-tibbiy ekspertizasi tayinlangan. Hozirda tergovga qadar tekshiruv harakatlari davom ettirilmoqda.