10-may kuni Markaziy saylov komissiyasi 9-iyul kuni boʻlib oʻtadigan muddatidan oldingi Oʻzbekiston Prezidenti saylovi uchun kampaniya boshlangani haqidagi qarorni qabul qildi.

Partiyalar oʻz vakolatlari vakillarini roʻyxatga olish uchun 13-maygacha murojaat qiladi. Saylovda ishtirok etish uchun hujjatlarni esa 15-maygacha MSKga yuborishi kerak. 17-maydan 1-iyungacha partiyalar oʻz nomzodlarini koʻrsatishlari mumkin. Nomzodni roʻyxatga olish haqidagi hujjatlarni taqdim etish — 2-iyun kuni yakunlanadi.

MSK tomonidan prezidentlikka nomzodlarni roʻyxatga olish 6-iyungacha amalga oshiriladi.