Bugun, 10-may kuni Toshkent shahrining Yakkasaroy hamda Mirobod tumanlari hududidagi ayrim aholi yashash xonadonlari hamda kichik tadbirkorlik subyektlarida elektr energiyasi soat 08:00 dan 17:00ga qadar vaqtinchalik oʻchiriladi. Bu haqda “Hududiy elektrtarmoqlari” AJ maʼlum qildi.

Qayd etilishicha, isteʼmolchilarga sifatli va barqaror elektr energiyasini yetkazib berilishini taʼminlash, shuningdek, elektr tarmoqlarida sodir boʻlishi mumkin boʻlgan avariya holatlarini oldini olish hamda taʼmirlash ishlarini xavfsiz bajarish maqsadida:

Mirobod tumanining “Mirobod” MFY, Katta Mirobod hamda Mirobod 4-tor koʻchalari hududidagi aholi yashash xonadonlarida;

Yakkasaroy tumanining “X.Sulaymon” MFYning X.Sulaymon hamda Minglar koʻchalari hududidagi aholi yashash xonadonlarida elektr energiyasi vaqtinchalik oʻchiriladi.